ماذا يعني نظام  الكوشاج  le couchage في الإنتخابات البلدية والولائية

 كل شيئ عن البريد والمواصلات - الانتخابات المحلية

بزاف ناس ميش فاهمة قانون الانتخابات الجديد. مكانش رأس القائمة يعني واحد مايخلعكم ولا يخوفكم
طريقة الإنتخاب في الإنتخابات البلدية والولائية
ماذا يعني نظام الكوشاج le couchage في الإنتخابات البلدية والولائية

  أكيد الكثير منا سمع   بنظام الكوشاج، بصح كاين لي ما فهموش، أو هناك من الي مزال الغموض ينتابه حول العملية الانتخابية هذه المرة 

 في الماضي كانت الانتخابات أنك تفوطي على القائمة، و الأصوات يقسموها من رأس القائمة و حبط، يعني لي يكون 1 في القائمة ولا 2 ولا 3 يقدر يربح على عكس لي مكلاصي رقم 20 ولا 21 حتى 23، المرة هاذي تبدلت الأمور، ترفد القائمة لي عجباتك ، في القائمة لي عجباتك تلقى أسماء المرشحين و قدام كل إسم تلقى مربع فارغ، عندك أربعة حالات:
1 - تقدر تفوطي على إنسان واحد برك عجبك في القائمة و دير قدامو علامة x و معناها راك أعطيت صوتك غير ليه و الباقي ما أعطيتلهمش صوتك
2- تقدر تفوطي على زوج ولا ثلاثة ولا عشرة لي عجبوك و دير قدامهم علامة x و معناها أعطيت صوتك لهاذوا برك و الباقي ما أعطيتلهمش صوتك
3 تقدر تحكم القائمة ديرها في البرية بلا ما تكوشي حتى إسم و هذا معناه أنك مديت صوتك لكل واحد في القائمة
و إذا رميت البرية فارغة معنتها صوتك مُلغات
الحاجة المليحة في هذا النظام الجديد، أنك تقدر تخير القائمة لي حبيت، و في القائمة لي حبيت تقدر تخير الناس لي تشوفهم مناسبين، و الحاجة المليحة أيضا أن الجميع عندهم نفس الفرصة لي مكلاصي رقم 1 و لي مكلاصي رقم 22
يعني تقدر تخير الناس لي تشوفهم مناسبين.
 في الاخير لا نريد أن نقول لكم كما يقولون لنا بلغة الخشب  أن الانتخاب واجب وطني لكن هذه المرة فعلا هناك  نوع من التغيير والحرية في إختيار الاصلح والانفع يعني الناخب حر في إختيار الاصلح له ولبلديته أو ولايته دون تدخل الدولة في تحديد الفائز وحماية كاملة لصوتك من التزوير 

ولهذا نقول أن الانتخاب هذه المرة فرصة حقيقة للتغير والله إجيب الخير