إطلاق عملية الإستفادة من قروض بنكية حلال (إسلامية)

إخواني أخواتي  حبيت نفهمكم بلي BNA راهي اعتمدت طريقة جديدة وهي أنها تشريلك هيا الدار او السيارة بنسبة تصل الي 95 % فيما يخص السكن و 85 % فيما يخص السيارة وتعطيك قرض علي حساب شهريتك كيما هو موضح في الصورة هيا راهي موجهة خصيصا لأصحاب الدخل المتوسط اي من فوق ثلاثملاين ونص مثلا نتا تشري دار على شخص هو ب 400 مليون والبنك يشريها ويبيعهالك مع فائدة حلال يعني بالتراضي والبنك يسلكلك قيمة 95 % من السكن تبقالك الخمسة بالمية تسلكها نتا وتولي الدار تاعك ويصبح التعامل تاعك مع البنك بحيث البنك يولي يقتطعلك من شهريتك ما قيمته مليون حتي مليون ونص في الشهر علي حساب شهريتك ( لذلك انا قلت راهي موجهة لأصحاب الدخل المتوسط ) انا تبانلي هاذي احسن طريقة دارتها الدولة فيما يخص الناس لي ما تطيرلهاش سكن اجتماعي علي الاقل مايبقاش كاري في باطل ربي بمعني آخر الدراهم لي يكون رايح يكري بيهم يسلك بيهم البنك يعني يصبح يسلك في دارو بالتقسيط وعلي مدة توصل حتي ثلاثين سنة وحتي اربعين سنة المهم تسلك دارك خير من راك كاري في باطل ربي تفوت عليك خمس سنين كرا بدفي باطل انا هكا فهمتها من طرف مقربين لي والله أعلم. ربي يرزق كل محتاج حنا مادابينا نوضحو للمواطن كل السبل لي تساعدو في السكن (المهم المرابحة هي انت تلقى دار ب 400مليون نجي انا نشريهالك ونحسبهالك ب 500مليون..... يعني هوما يشريوهالك ويعادو يبيعوهالك ويديو فايدتهم ).
وضحو لخاوتنا كيفية شراء سيارة بالصيغ الاسلامية

مثال جارك عندو سيارة حاب يبيعهالك ب 80 مليون

تروح للبنك و تتفاهم معاهم يشريها البنك و يكتبها على اسمو و يبيعهالك بثمن 96 مليون ( كل بنك و النسبة تاعو ) عموما مايدوش اكثر من 20 %

نروحو نتا كيفاش تخلص
مثال :  انت موظف  و تخلص 3 ملايين و 600 ألف
ينحولك نسبة  من 30%  الي 33% يعني حوالي مليون و ميتين الف
على مدة 5 سنوات كي تحسب تلقى حوالي 72 مليون
 والان  لم يتبقى سوى حساب الشطر الاول أو الدفعة الاولى  يعني بالعامية  يبقالك شحال شطر الاول لي لزم تدفعو
تنقص سعر سيارة من مبلغ لي خرجلك في 5 سنوات
يعني : 96 - 72 = 24
شطر الاول 24 مليون سنتيم 

فيما يخص شراء مسكن

•  طلب خطي
•  نسخة من بطاقة التعريف
•  بطاقة تبرر الإقامة
•  شهادة ميلاد رقم 12
•  شهادة عمل وكشوفات الرواتب أو كشف الدخل السنوي لغير الإجراء
•  قرار تخصيص المسكن......
•  مدة التمويل تصل إلى غاية 40 سنة
• السن أقل من 75 سنة
•  يصل التمويل إلى 90%
• الأقساط شهرية ويمكن تسديد مسبق حسب الرغبة
• الشرط الجنسية جزائرية 
• الدخل يكون ثابت ومنتظم ويفوق الأجر الوطني الأدنى.

وباش تتأكد من المعلومة اقصد خويا البنك اللي قريب منك واستفسر مليح يعطوك جميع التفاصيل وجميع انواع القروض

باه تعرف اشحال انحولك كل شهر بالضبط  ادخل للرابط 👈هنا 👉 أو إضغط على الصورة 

👇👇👇👇👇

بالتوفيق للجميع