الــ RAM كيف يتم إختياها لاداء أحسن لحاسبوك

الرام او ذاكرة الوصول العشوائي او RANDOM ACCESS MEMORY هي جزء اساسي في البيسي تعتبر جسر بين المعالج cpu و HDD او SSD المهمة تاعها هي مثلا كي نحلو كاش برنامج البيانات تاعو لي راح تتعامل مع المعالج تروح لل RAM باش المعالج يتعامل معاها بسرعة لان سرعة الأقراص التخزين بطيئة بالنسبة للرام و عند غلق البرنامج البينات كامل تولي لاقراص التخزين و الرام تولي فارغة بكل اختصار تجيب البيانات من الاقراص الصلبة تخبيهم عندها باش المعالج يخدم بيهم بلخف و ميطولش لكن كيف نقوم  بإختيار  الرام! توجد   اربع معايير اساسية

🔷اولا نوع الرام يعني DDR5 او DDR4 او DDR3 و هنا على حساب المعالج لي عندك شوف معامن يتوافق و راح تتبع الرام لي عندك هي غالبا كاين DDR4 لانو DDR3 قديمة

🔷ثانيا السعة و هنا كل واحد شحال يحتاج الرام و لوكان تجيب فوق واش يلزم راك رايح ترمي دراهم

-للاستخدام العادي 8 gb كاافية

- لل gaming من الافضل تجيب 16gb لانو لوكان تلعب العاب تتطلب شوية رامات راح يصرالك freez

-اذا انت video editor و تخدم 3d rendre هنا الهدرة فوق 32 GB و على حساب المشاهد لي راح تخدمهم اكيد

🔷 ثالثا السرعة او frequency و يتقاس ب Hz و هنا على حساب المعالج لي عندك الا عندك intel المعالج تاعك مراحش يحتاج السرعات العالية للرامات و راح تلاحظ الفرق غير فال render فانا ننصحك ب 3000mhz اما الا عندك معالج amd فراح يحتاج السرعات العالية سواءا فال gaming ولا rendering و انا ننصح ب 3600mhz لانو مام راح تجيب سرعات عالية فوقها مكاش فرق كبير بزافA

🔷رابعا latency و لي يعرف cas latency و هو الوقت ضائع ببن ما الرام استقبلت اشارة من cpu و الوقت لي عاودت بعثتلو الاشارة ثانية و كل ما كان ال latency اقل كل ما كان اداء الرامات خير و راح نلقاوهم بهاد الشكل مثلا :

- cas latency : 12 VS - cas latency : 18


هنا الرام لي فيها cas latency 12 راح تكون اسرع من الاخرى لكن المشكل انو كاين علاقة طردية بين cas latency و سرعة الرامات يعني كل ما تزيد السرعة راح يزيد latency يعني لازم نحوسو مليح على نوع الرامات لي نشروهم
تقدرو تقولونا واش من رام عندكم!