هذا هو نظام KYC الذي اطلقته بريد الجزائر مؤخرا

واش هي حكاية الـ KYC اللي دخلت لبريد الجزائر؟ ولماذا تهمك؟

سمعتو ليام هدو بحكاية kyc في بريد الجزائر، راح نشرحلكم واش كاين ببساطة!

 واش معنتها KYC؟

هي اختصار لـ Know Your Customer أو بالعربية (اعرف زبونك) هو نظام عالمي تستعملو البنوك والمؤسسات المالية: باش تتأكد من هوية الزبائن تاعها

 واش راح يطلبوا منك؟

بريد الجزائر راهي تطلب من الزبائن يعمروا استمارة فيها معلومات دقيقةفي موقع eccp :
* الاسم واللقب وتاريخ الميلاد
* الرقم التعريفي الوطني (NIN).
* معلومات السكن والمهنة وجهة العمل.
* وحتى تفاصيل على المداخيل الشهرية (باش يضمنوا شفافية العمليات المالية).

 علاش هاد التحديث؟

حماية حسابك من التزوير ولا انتحال الشخصية.على كل حال حنا في دزاير مكانش تزوير وسرقة الحسابات
بريد الجزائر راهي تطلق في خدمات جديدة مثل cashless وهاد النوع من الخدمات يحتاج KYC
تتبع المعاملات باش يعرفوا المصدر تاع الأموال ويحاربوا أي نشاط مشبوه مثل تبييـ_ض الأموال وهذا قانون دولي

ملاحظة :
هذا النظام (KYC) أصبح إجبارياً في 2026 لتوافق بريد الجزائر مع المعايير المالية الدولية
قولولنا في التعليقات، كاش واحد فيكم عمر الاستمارة هادي؟ ولا مزال؟